Beauty Of Life
Phoolo ki khoobsurati ko humne tab jana,
jab unhe chune se
kisike chune ka ehsaas hua.
Chaand ki sundarta ko humne tab jana,
jab usse nazrein milate he
kisike chehre ka humari nazron ke samne hone ka ehsaas hua
Suraj ki narmi ko humne tab jana,
jab uski chil-chilati dhoop mein bhi
kisiki thandi saanson ka ehsaas hua.
Tez behti hawa mein shanti ko humne tab jana,
jab unn hawaon ke shor mein bhi
kisiki awaaz mein basi shanti ka ehsaas hua.
Behte hue pani ki khushi ka ehsaas humne tab jana,
jab uss behte hue pani ki tarah
kisiki khushi ko mehsoos kar usmein behjane ka ehsaas hua
Ped ki chaya mein milne wali rahat ko humne tab jana,
jab uss chaya mein chidiyon ki chanchal awaaz ke sath
kisike dil ki dhadkan sunkar milne wali rahat ka ehsaas hua
Aur zindagi itni haseen hoti h ye humein tb jana,
jab koi humara dil bankar humare pas aya aur humein,
unki dhadkan hone ka ehsaas hua.....
No comments:
Post a Comment